هل حب الفتاة خيانة لأهلها؟

[أنومه]

هل حب الفتاة خيانة لأهلها؟


أخواني .. أخواتي ..
أتمنى من الكل المشاركة في الموضوع ..

لما يحب شاب بنت معينة وصارح أهله أو ربعه بهالحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تستوي خاينه لأهلها ..
و ما تقدر تصارح حد إلا صديقاتها المقربه و مب دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحبو لا تسمح للمرأة أن تحب ؟؟!!

في انتظار آراءكم ..
تحياتي لكم

[Noor 3la ALdrb]

موضوع خطيير بصراحه
راح اقول رأئي

هل الحب الشريف في مجتمعنا عيب كبير ؟؟!!

أولاً الحب الشريف يكون بعد الزواج حتي لو حبيت فتاة وأعجبتني راح اخطبها من أهلها .
هذا في اعتقادي الحب الشريف وكل حب شريف يكون نهايه بداية الزواج

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

مدام حبهم شريف والكل عارف ايه عادي وأعلنها بمكبرات الصوت .. اما إذا كان حبهم خرطي يعني مسأله وقت فجوابها عند الكل .

هل عاداتنا تسمح للرجل أن يحبو لا تسمح للمرأة أن تحب ؟؟!!

المجتمع يغفر للشاب ... ولا يغفر للفتاة

والسلام :smile1:

[عَبق المشاعر]

يسلموو أنوومه على هذا الموضوع ..

^_^

هل الحب الشريف في مجتمعنا عيب كبير ؟؟!!


لا .. أنا أشوووف ان الحب الطاهر والشريف مو عيب .. والمفروض مايكون عيب ..

لأن ربي اهو اللي حط الحب في القلوب .. وهذا شي فطري !! ..

..
هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

هذي تقاليد المجتمع ..

لأن الكل يشووف ان الحب عيب ..

ومو من حق الواحد يحب ..

لكن المفرووض .. يحبون بحدوود .. وصدق .. ومو لعب بالمشاعر ..

..
هل عاداتنا تسمح للرجل أن يحبو لا تسمح للمرأة أن تحب ؟؟!!

هذي عادات المجتمع ..

[» Ləlо «]

هل الحب الشريف في مجتمعنا عيب كبير ؟؟!!

الحب الشريف يكون بعد الزواج

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!


هي اذا ما افصحت مو عشان شي اعتقد
انه من الحيا ساكته

هل عاداتنا تسمح للرجل أن يحبو لا تسمح للمرأة أن تحب ؟؟!!

ما منعووها تحب بس منعووها تفصح عن حبها
يعني تحب وهي ساكته:d

هذ1 رايي

[أنومه]

ارائكم واحترمها

يسلموو على مروركم

[][ RaZaN ][]

هل الحب الشريف في مجتمعنا عيب كبير ؟؟!!


لا موب عيب .. لكن العيب .. انها تحب واحد عن طريق ][ نت .. تلفون ...الخ ][ .. هذا حب خطأ .. ويبدا خطا وينتهي خطأ .. وهذا هو الحب الي في مجتمعنا عيب ..
اما الحب الشريف الي تحب ولد عمها ولد خالها انا اشوف مافيها شي دامها ماسوت شي غلط ..بشرط انها ماتتعمق بهالحب وتصير ماتشوف الا هو ومدري وش وحركات وياي وخرابيط مالامها داعي <_<



هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!



لا موب من حقه يفصح .. بس انا اقول لك ليش هو يفصح والبنت ماتفصح .. لان الولد غالبا الاهل مايقدرون عليه ولا يقدرون يسيطرون عليه .. لان زي ماتعرفون الولد روحات وجيات وربع وحركات .. موب مكبوت كثر البنت .. البنت بسيطرة اهلها .. ويحسون ان هالشي عيب ليش بنتنا تحب ..

هل عاداتنا تسمح للرجل أن يحبو لا تسمح للمرأة أن تحب ؟؟!!

مثل مالرجال يحب .. المرأه تحب .. ولا هو وش بيحب له جدار <_<

ومثل ماللرجل للمرأه .. ومن حقها هي تحب .. لان اغلب الحب الصادق والحقيقي النابع من دهاليز القلب < متعوب عليها :D .. يكون للمرأه .. اما الرجال نادرا مايكون حبهم صدقي وحقيقي ومن قلبه .. وانا احس مافيه رجال حب صح الا عنتر وقيس وهالخرابيط ..

يعطيك العافيه انوم ..

ولكن وجهة نظر وهذي وجهة نظري << بتتشوت

[☺تشۋڪلتے☺]

هل الحب الشريف في مجتمعنا عيب كبير ؟؟!!

أكيد الحب موب عيب والا كان ماصرنا نعرفه ولا انخلق ,,

لكن لازم يكون فيه مراعاة للشخص اللي بنحبه من هو ,,

والمجتمع عمره مايتحكم بالمشاعر ,,

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

لا مو من حقهم ,,

لكن الشاب اذا حب يحب صدق ,,

والبنت رقيقه حتى بالعواطف ,,

البنت ماتفكر بعقلها تفكر بقلبها ,,

عواطفها هي اللي تقودها ,,

مو هي اللي تتحكم بـ عواطفها ,

وبعدين لو تحسه انه موب عيب والا تحسه صح بتقوله بكل ماتملك من قوه ,,

بس للأسف ان اللي يسود مجتمعاتنا الحين العواطف الخداعه ,,

عواطف مراهقه عواطف لعب بالمشاعر ,,

مافي احد يحب صدق بالهزمان والمجتمع كله لعب بالمشاعر ,

وهذا هو اللي لازم ع البنت تكون حريصه ع اختيار حبها الصحيح ,,

الرجال عيبه في جيبه ,,

لكن البنت تخسر كل حياتها بخسارة كرامتها ..


هل عاداتنا تسمح للرجل أن يحبو لا تسمح للمرأة أن تحب ؟؟!!

لا مستحيل ,,

الرجل عنده مشاعر والحرمه نفس الشي ,,

يعني ليش الحرمه ماعندها مشاعر خاليه منها ,,

لو كانت كذا اجل حب اهلها واخوانها وعيالها من وين كله أكيد انه في مشاعر ,,

يسلمووو ع الموضوع ,,

وآآآسف ع الإطاله

[أنومه]

ام غميز امووووووووووووت على الدهاليز ههههههههههه
وجه نظرك على راسي من فوق

ام صعفق رايك واحترمه على راسي من فوق

منورررين

[المرحومه]

هل الحب الشريف في مجتمعنا عيب كبير ؟؟!!

طبعا هذا اذا وجد الحب واكيد الحب مو حرام ولا اهو عيب بس لازم يكون حب طاهر وشريف مو
مثل اللي نشوفه هالايام ودارج اهي المصلحه سواء للبنت او الصبي

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

البنت تخاف على كرامتها لان المجتمع والعادات والتقاليد ماتسمح بهشي لان عيب مثل ماقالت
اختنا ام صعفق كرامتها كلشي تملكه اذا اخسرته اخسرة حب المجتمع واحترامه بس الرجل
عادي كلشي عنده عادي واهم شوي مرات ماخذينها رجوله يعني يكلم بنت ويقول حق ربعه ومن
هالسوالف بس المفروض ان الحب ينتهي بزواج دام تحبها تزوجها شناطر والرجل مايعيبه شي غير جيبه

هل عاداتنا تسمح للرجل أن يحبو لا تسمح للمرأة أن تحب ؟؟!!

عاداتنا ماتسمح للطرفين اذا يحبها يتزوجها واذا كلمها بتلفون ومافاتحها بموضوع الزواج فهذا
حب غلط مو حب يقدر يكلم اهلها اذا كان يدرس عشان يكون عندهم علم لان محد يرضى على
اهله البنت مو لعبه كل واحد اي يلعب بمشاعرها ويروح في عادات وتقاليد واذا بيكون نفسه في
ألف حل وحل احنا مو بعصر قيس وليله وعبيد واذا اهو مايصلح للزواج وتكوين اسره ليش يحب
بالاساس ويجرح مشاعر البنت الغلط مو كله بالمجتمع الغلط من اختيار الصح

[soo19]

أول شي الحب موجود والدليل من الدين انه يجب حب الله ,وحب الرسول وحب الوالدين يعني الحب موجود و الخطأ مو في معنى الحب ولكن في طريقة فهم عيالنا وبناتنا للحب وتصرفاتهم اللي تخلي معنى الحب سخيف وقصص بزارين :s9:
وبعدين الحب مو شرط انه دايما بنت وولد وقصة روميو وجولييت لأنه فيه حب الصداقة وحب الأخوة وحب يجي مع العشرة :wub:
ولأن البنات والعيال فاهمين غلط صارت نظرة المجتمع للحب انه غلط ولا ما فيه أحد بالدنيا ينكر وجود الحب ولا ما جرب الحب بأي نوع من أنواعه لأن الحب من ربي في القلب واصلاً يجي غصب عن الواحد مو على كيفه:blush:
:heart-2::heart-2::heart-2:((يسلموو على الموضوع)):heart-2::heart-2::heart-2:

[~*§¦§ الحكـومـة §¦§*~]

السلام عليكم واول مشاركة لي بتكون في هالموضوع العاطفي
اولا:الحب مافيه اختلاف عليه .لكن الاختلاف على ماهو الحب الشريف من اللي يحدده هل الحب الشريف ماهو متداول بين الشباب (بنوعيه)الآن؟
فلو صرح شاب مثلا(اخيك) عن حبه لفتاة بعينها ................ ما الانطباع المباشر في ذهنك ؟
اجيبي وبالتالي اكمل الرد على كل فقرة