النسيان
12-02-2007, 06:45 PM
اسيكم بالخير انت وياه
يامحلى الشيون وياشين المملوحين
هذي نظريه بدأت انادي بها اعتبارا من دحين
وذلك لاقتناعي بوجهة النظر القائله بأن اهم شي الاخلاق
هع
كان ياماكان في العصر الحالي وقبل مايأذن الاذان
كان فيه بنت حلوه مخطوبتن لولد عمها
البنت هذي انخطبت له بعد قصة حب ابتدأت من يوم ماكانت الام حامل بالبنت باليوم الثاني(تسني قمت اخور من اولها)
الوكاد انهم كانو يحبون بعض من سنة ألف وحطبه
والحمد لله تمت الخطبه ولكن تأجل موعد الزواج لين ماتخلص المحروسه دراستها بالجامعه
ويقال لها ( مها )
وولد عمها(نايف) اللي هو خطيبها وهو ساكنن بالرياض
وهي عايشتن بالشرقيه
وبعد مانخطبت البنت صار كل ويكند يجي خطيبها ويطلعون مع بعض ويستانسون
نايف : اقول مهاوي
مها: هلا
نايف: اختي حوريه ودها تجي معي وتقضي كم يوم عندكم
مها: وين المشكله طيب ؟
نايف: حبيت اعطيك خبر
تدرين حوريه اختي من النوع الي مايحب يطلع مكان ابد
واذا طلعت ودها ترجع .. بس انا قلت لها تعالي الشرقيه يمكن يعجبك الجو هناك
ويالله يالله بالغصب رضت <<<ليت كل الاخوان مثلك يانايفوه
نذهب للمدعوه حوريه
حوريه بنت مسالمه جداً وعلى قد نياتها
طيبه لدرجة السذاجه
وتدرس سنه اولى بالجامعه تخصص عربي
قصيره , وشعرها فلافل مدري وشلون المشط يمشي عليه
بالاحرى انها ماتمشط كشتها ابد بس تحط ذيك البكله الي ريحتها اخيس من اباط هندي
تلبس نظاره مقعره وماتعرف شي بالموضه
اذا تكلمت العالم كله تلتفت لمصدر الصوت
فنغمة صوتها نادرة الوجود
مدري وشلون اوصفها
بس الوكاد انك لو تسمع صوت الضفدع وهو ينهق<<<الضفدع ماينهق يالطرمه
عاد مدري وشو يسمونه بس صوتها باختصار لو وزع على جميع اذاعات العالم اصابها شلل ارتعاشي
واكثر ماتردد كلمتين الا وهم (يووه ياهملالي)
نايف: حوريه وينتس؟
حوريه: هذا انا جالستن ارتب غريضاتي
نايف: بعدين وشو ذا , جايبتن معتس فصفص؟
احنا رايحين الدمام مهوب الحساء الله يهديتس
حوريه: خليني ياخوي اتسلى بوه بالطريز
وينطلق نايف واخته حوريه الى الشرقيه
ووصلو لها بعد ماغرقت السياره كلها بالقشام
حوريه: اقول مهاوي وش ذا اللي تحطينوه بخشتس؟
مها: هذا تونيك لتنظيف المسام
حوريه: والله مدري وش تهذرين عنه
وتصرخ حوريه فجأه:
يوووووه ياهملالي يامهاوي وشلون تمشين على ذا الكعب ماتعورتس رجلينتس؟
مها: لاعادي متعوده
يالله حوريه ترى نايف يستنانا برى
ويطلعون لمطعم صيني
ولما وصلوا
حوريه: انا مابي الا كبسه ولبن خفات
مها: هههههههههههههههههههههه
نايف: بس هذا مطعم صيني, شوفي المنيو واختاري الي يعجبتس منها
وبعد ماتغدوا
كانت حوريه مبوّزه
نايف: هاه حوريه شكله ماعجبتس الاكل
حوريه: يوه ياهملالي والله اكلهم يحوم الكبد مدري وشلون انت ومرتك تحبونه وع وع
اقول احنا وين رايحين الحين
نايف: رايحين مجمع تجاري راح تنبسطين
ولما وصلوا
حوريه: يوووه ياهملالي ياكبره ذا السوق
يؤ مهاوي شوفي هذي فاكتن شعرها ومخبصه وجهها
المسكينه الظاهر مضيعه شيلتها
مها: حوريه شرايك بذا الخاتم
حوريه: يووه ياهملالي ايه والله يهبل يازينه يلمع تسنه البرق , بكم عاد سعره
مها: هذا بس بخمسميه تخيلي مره رخيص
حوريه: ياهملالي لايقصون عليتس يالمسبهه والله اعرف خواتم تبيعهم ام دحيم ازين من ذول
وربي رخيصين الواحد على خمسه ريال واذا اشتريتي اثنين تعطيتس الثالث ببلاش
وبعد شوي
حوريه: اقول وينها حماماتهم؟
مها: هذي هي قريبه روحي وبستناك انا ونايف عشان نطلع من المجمع
وتروح حوريه الحمام
وفي طريقها
لاحظت ان شيئاً ما يمشي خلفها
ويوم لفت والا واحد مشى من جنبها ورمى عليها ورقه
حوريه : يوه ياهملالي , الورقه ذي طاحت منه
وخذت الورقه وراحت تمشي وراء الرجال
حوريه: ياحجي ,,
لو سمحت ,
ياخوي,
انت ماتسمع
والعالم كلها تطالعها شلون حرمه قاعد تمشي وراء رجال وماسكه ورقه
عاد العالم افهموها شيئن ثاني
ويوم وصلت لعند الرجال قالت:
ياخوي لي سنه اراكض وراك
الرجال: خير عيوني امري <<<يوم سمعت حوريه كلمة عيوني خقت
عاد قامت تنعم الصوت
حوريه: هذي ورقه طاحت منك خذها وانتبه عاد لايطيح شي منك ترى المكان زحمه والناس ايدينهم خفيفه و..
حست حوريه بيد تمسكها بقوه وتجرها من مكانها
حوريه: وشفيتس علي تجريني تسني ناقتن مذبوحه خفي علي
مها: حسبي الله على ابليسك فشليتنا
اخوك لو يدري عن الي صار كان ذبحك وعلقك من كشتك قدام العالم
حوريه: ليه انا وشسويت
الرجال طاحت منه ورقه ورحت اوديها له
مها: ياخبله ياغبيه يالمتخلفه عقلياً هذا قاعد يرقمك
حوريه: وليه يعطيني رقموه وش ابي بوه ؟
مها: يارببييييييييه عليك يعني انت ماقد رحتي سوق وصارت لك الحركه ذي
حوريه: لا
مها: طيب يالله خلينا نمشي من هنا بسرعه افف
وتنام حورية ذيك الليله وهي غرقانه بالاحلام الورديه
وهي الي ماخلت مهاوي تنام من شخيرها
مهاوي طول الليل قامت تفكر في طرق وأفكار تخلي فيها حورية انسانه منضبطه وتقلب شخصيتها الى انسانه ثانيه تختلف عن شخصية حورية الساذجه وفي نفس الوقت تبي تفاجأ نايف بالشكل الجديد لحوريه خاصة وانه رجع للديره عشان الدوام
في اليوم الثاني
مها: حووريه تعالي
حوريه: سمي
مها: يالله إلبسي العبايه مشينا
حوريه: وين؟
مها: انتي امشي وبالطريق راح اقولك
حوريه: لايكون بتوديني ذاك المطعم الخربوطي
مها: مالت عليك . غيرك والله يتمنى بس يشوفه اقول مشينا بس
ومهاوي كانت ناويه توديها الصالون عشان تغير من شيفتها وخشتها القرويه
حوريه: يوووه لاتمعطين في شعري هو شعرتين ان شلتيهم صرت احمد بدير
اللبنانيه: شوهيدا شعرك كتير ناشيف انتي ماعم تعملي لوه حمام زيت اسبوعيا؟
حوريه: حتى الزيت قام يستحم والله عشنا وشفنا..
اللبنانيه: كيف بتحبي القصه تكون؟
حوريه: كاريه حلو
اللبنانيه:ههههههه شو كاريه موضه كتير أديمي
مها: معليكي منها قصي لها قصه تناسبها واعملي لها هاي لايت وسوي لها حمام زيت بعدين سيشوار
وبعد ساعتين ونصف
مها: هاه شرايك بشعرك الحين؟
حوريه: ولله صايرتن تسني معزه بربريه على هالالوان
مها: يالله باقي الوجه الحين
واثناء تخبيصهم في وجه حوريه
حوريه: حاطين بوجهي طين ايييييييه بعد شوي بتروشوني بموية مجاري
مها: انتي بس لو تسكتين
ولما خلصوا....
راحوا لمحل النظارات عشان يشترون لحورية عدسات ملونه
بعدين اشتروا لها ملابس جديده <<بالصراحه احلى على الطريقه السعوديه
حوريه: ياهملااالي والله تسني أميره يازينتس ياحوريه تهبلين اممواه
مها: حوريه ابيكي تسمعيني زين
حوريه: اذوني لتس
مها: انا ماغيرت من شكلك الخارجي الا عشان ابيكي تتغيرين من داخلك
عشان اوضحلك اكثر ,, حاولي قد ماتقدرين انك تغيرين من نبرة صوتك وبعدين سالفة لتس وعليتس وشلونتس ابيكي تشيلينها من قاموسك اوكي
بعدين وانتي تتكلمين لا تلوحين بيدينك صايره كأنك تهاوشين او كنك والله تهفين الذبان
حوريه: ههههاع
مها: نقطه مهمه برضو لما تجين تضحكين بليييز لاتضحكين بصوت عالي
حاولي قد ماتقدرين انك تضحكين بصوت واطي وفي نفس الوقت حطي ايدك على فمك يعني من باب اللباقه
نقطه اخرى لما تشوفين شي عجبك على وحده سواء بلوزه او ساعه او أي شي رجاء لاتسألين بكم هذي شريتيها ومن وين
حوريه: وشوله؟
مها: راح تبينين لهم انك مشفوحه ومو شايفه خير
حوريه: طيب
وكانت مها طوال اسبوع كامل وهي تعطيها النصايح
وتحذرها من اشياء المفروض ماتسويها
لين ماحوريه فهمت المطلوب منها
وصارت حوريه انسانه ثااااانيه تختلف اختلاف كلي عن حورية الاولى
وفي اليوم الثاني جا نايف عشان ياخذ اخته حوريه
نايف: انتي وش سويتي باختي؟
مها: شرايك فيها ماكنها حوريه اختك صح
نايف: تصدقين اني ماعرفتها,, تنحنحت ونزلت راسي على بالي وحدتن من خوياتك .. بعدين قامت تضحك علي وماصدقت انها حوريه الا يوم حلفت لي انها اختي حوريه.. صراحه ماتوقعت اختي بهالجمال.. ماشاء الله عليك يامهاوي..
مها: يعني لو هي وحده من خوياتي وش كنت بتسوي؟
نايف: كنت اجحدك واتزوجها
مها: وجع ههههه
حوريه: يالله اشوفتس على خير يامهاوي
مها: وش قلتي؟
حوريه: اشوفك هههه
مها: كل مره تشتاقين فيها لنا تعالي اخوك نايف اسبوعيا يجي مايصبر عني احم
لما كان نايف طالعن مع اخته
كان جاي ولد عمها خالد
وانتبه لحوريه
خالد: مهاوي من ذي الي طالعه مع نايف؟
مها: تستهبل انت ووجهك هذي حورية بنت عمي
خالد: كذابه.. حوريه اخبرها سحليه من سحالي الربع الخالي
مدري وشلون عمي مسميها حوريه الي يشوف اسمها يقول الجمال مقطع بعضه وهي احلى من عائشه الكيلاني بشوي هههههه
مها: يعني منت مصدقني
خالد: احلق شنبي ههههه
مها: طيب .. تعال معي ابيك
مها: يمه
ام خالد: هلا يمه
مها: يمه منهي اللي كانت مع نايف قبل شوي
ام خالد: هذي اخته حوريه ..ليه تسألين؟
وتطلع عيون خالد من مكانها
خالد: لا انا ماصدق وش اللي قلبها وخلاها بذا الشكل
ام خالد: اوخيتك مهاوي حلفت ماتخليها ترجع لاهلها الا وتخليها اسم على مسمى على قولتها...
خالد: انا اشهد انها حوريه من قلب
ويغرم المحروس خالد ببنت عمه حوريه
وماهي الا شهر وراح لأمه
خالد: يمه ابيكي بموضوع
ام خالد: خير ان شاء الله
خالد: ابي اتزوج يمه
ام خالد: حاط وحدتن ببالك؟
خالد: ايه
ام خالد: من هي اللي داعيه لها امها عشان بتتزوج وليدي خويلد؟؟
خالد: بنت عمي
ام خالد: أي وحدتن فيهم؟
خالد: حوريه يمه
وكانت مهاوي قد سمعت الحديث اللذي دار بين خويلد وأمه
ويوم سمعت مهاوي انه يبي حوريه
فطست ضحك
خالد: يعني طول الوقت انتي ووجهك قاعده تسمعين كان من البدايه رزيتي وجهك وماكنتي تتسمعين علينا
ام خالد: اجل تبي حوريه هاه؟
مها: شكله من ذاك اليوم والاخ رايحن فيها
خالد: ايه وربي الحب عذاب
مها: استح على وجهك امك معنا صير ثقيل
خالد: نسينا ماكلينا
نسينا نايفوه قبل لايخطبك يوم صابه الحادث والدموع اربع اربع هههه
مها: اسمه نايف لو سمحت
خالد: هاه يمه وش قلتي؟
ام خالد: مالك الا اللي تبيه كم خويلد عندي..
مها: واحد وياثقل دمه
خالد: خخخخ بايخه
وتذهب العائله متجهتن الى الرياض لكي يخطبوا حوريه لخويلد
وكانت حوريه نايمه وقتها ولما جو بيت عمها صحوها وراحت تتروش
ابو نايف: والله هذي الساعه المباركه بس تعرفون الاصول لازم ناخذ براي البنت
ابو خالد: وهي بتلاقي احسن من ولد عمها
ام خالد: وشفيك مستعجل خله ياخذ برايها يمكن البنت حاطه واحد ببالها
خالد: وش قصدك يمه هاه يعني انا ماصلح لها
اابو نايف: عن اذنكم اسأل البنت..
خالد: مهاوي اذا وافقت حوريه حبيبتي تكفين قولي لعمي ابي اشوفها
مها: صارت حبيبتك هههه وبعدين ليه تبي تشوفها انت مو شفتها وهذا الي خلاك تخطبها انت ووجهك
خالد: يالغبيه افهمي .. انتي ماتصبرين عن شوفة نايف صح والا لا
مها: اكيد
خالد: طيب تكفين قولي لعمي
مها: طيب طيب هذا هو عمي جا
ابو نايف: ألف مبروووووك ان شاء الله حوريه موافقه عليك ياخالد
ويقوم خالد من الفرحه ويبوس راس عمه
خالد: صدقني ياعمي حوريه بحطها بعيوني الثنتين
ويرجع خالد لمكانه
خالد: مهاوي ووجع يالله
مها: عمي بو نايف
ابو نايف: سمي يابنيتي
مها: اقول بعد اذنك خالد اخوي وده يشوف بنت عمه حوريه
ابو نايف: لازم يعني
مها: والله من جينا للحين وهو غاثني
ابو نايف: هههههه والله لو ماهو ولد اخوي ماكنت خليته يشوفها
ام نايف روحي قولي للبنت ولد عمها يبي يشوفها
وتروح ام نايف
وخويلد قلبه يدق من الفرح
مها: هاه هذا انا سويت لك اللي تبي وش بتعطيني
خالد: اللي تبين بس تكفين اسكتي وربي اني خايف ومنحرج
مها: كل هذا من الحب ههههه
وتجي ام نايف ووراها بنتها وهي متغطيه
حوريه: السلام عليكم
خالد: وعليكم السلام هلا والله
وتنزع حوريه الغطاء عن وجهها
وماهي الا ثواني معدوده
وخالد مهو في مكانه
قام وهو يسرع للباب
ابو نايف: وشفيه الولد انصرع وشبلاه
ابو خالد: لحظه ياخوي بروح اشوفه
ام خالد: مهاوي وشفيه اخوك
مها: يعني ماتدرين يمه .. ياذا الموقف اللي انحطينا فيه ماندري وشلون بنطلع منه
ام خالد: ليه علميني؟؟
مها: يمه ناظري حوريه .. ماكني اشتغلت عليها وتعبت وضيعت وقتي وفلوسي ..هذا هي رجعت زي أول لا وأردى بعد
هذا اللي خلى خويلد ينحاش
يرجع ابو خالد:
والله الولد هرب بالسياره مادري وين اراضيه
ابو نايف: طيب دق على جواله
ويرن جوال ابو خالد
ابو خالد: هذا هو خويلد يتصل لحظه
خالد: شوف يبه قول لعمي مابي اتزوج خلاص قول له انتوا غصبتوني على الزواج فاهمين خلاص مابي اتزوج خلاص خلاص
الله لايحطكم يالتماسيح في ذي المواقف ههههه
تحياتي جاتني ع المسن وحبيت اسدحها في ذا
يامحلى الشيون وياشين المملوحين
هذي نظريه بدأت انادي بها اعتبارا من دحين
وذلك لاقتناعي بوجهة النظر القائله بأن اهم شي الاخلاق
هع
كان ياماكان في العصر الحالي وقبل مايأذن الاذان
كان فيه بنت حلوه مخطوبتن لولد عمها
البنت هذي انخطبت له بعد قصة حب ابتدأت من يوم ماكانت الام حامل بالبنت باليوم الثاني(تسني قمت اخور من اولها)
الوكاد انهم كانو يحبون بعض من سنة ألف وحطبه
والحمد لله تمت الخطبه ولكن تأجل موعد الزواج لين ماتخلص المحروسه دراستها بالجامعه
ويقال لها ( مها )
وولد عمها(نايف) اللي هو خطيبها وهو ساكنن بالرياض
وهي عايشتن بالشرقيه
وبعد مانخطبت البنت صار كل ويكند يجي خطيبها ويطلعون مع بعض ويستانسون
نايف : اقول مهاوي
مها: هلا
نايف: اختي حوريه ودها تجي معي وتقضي كم يوم عندكم
مها: وين المشكله طيب ؟
نايف: حبيت اعطيك خبر
تدرين حوريه اختي من النوع الي مايحب يطلع مكان ابد
واذا طلعت ودها ترجع .. بس انا قلت لها تعالي الشرقيه يمكن يعجبك الجو هناك
ويالله يالله بالغصب رضت <<<ليت كل الاخوان مثلك يانايفوه
نذهب للمدعوه حوريه
حوريه بنت مسالمه جداً وعلى قد نياتها
طيبه لدرجة السذاجه
وتدرس سنه اولى بالجامعه تخصص عربي
قصيره , وشعرها فلافل مدري وشلون المشط يمشي عليه
بالاحرى انها ماتمشط كشتها ابد بس تحط ذيك البكله الي ريحتها اخيس من اباط هندي
تلبس نظاره مقعره وماتعرف شي بالموضه
اذا تكلمت العالم كله تلتفت لمصدر الصوت
فنغمة صوتها نادرة الوجود
مدري وشلون اوصفها
بس الوكاد انك لو تسمع صوت الضفدع وهو ينهق<<<الضفدع ماينهق يالطرمه
عاد مدري وشو يسمونه بس صوتها باختصار لو وزع على جميع اذاعات العالم اصابها شلل ارتعاشي
واكثر ماتردد كلمتين الا وهم (يووه ياهملالي)
نايف: حوريه وينتس؟
حوريه: هذا انا جالستن ارتب غريضاتي
نايف: بعدين وشو ذا , جايبتن معتس فصفص؟
احنا رايحين الدمام مهوب الحساء الله يهديتس
حوريه: خليني ياخوي اتسلى بوه بالطريز
وينطلق نايف واخته حوريه الى الشرقيه
ووصلو لها بعد ماغرقت السياره كلها بالقشام
حوريه: اقول مهاوي وش ذا اللي تحطينوه بخشتس؟
مها: هذا تونيك لتنظيف المسام
حوريه: والله مدري وش تهذرين عنه
وتصرخ حوريه فجأه:
يوووووه ياهملالي يامهاوي وشلون تمشين على ذا الكعب ماتعورتس رجلينتس؟
مها: لاعادي متعوده
يالله حوريه ترى نايف يستنانا برى
ويطلعون لمطعم صيني
ولما وصلوا
حوريه: انا مابي الا كبسه ولبن خفات
مها: هههههههههههههههههههههه
نايف: بس هذا مطعم صيني, شوفي المنيو واختاري الي يعجبتس منها
وبعد ماتغدوا
كانت حوريه مبوّزه
نايف: هاه حوريه شكله ماعجبتس الاكل
حوريه: يوه ياهملالي والله اكلهم يحوم الكبد مدري وشلون انت ومرتك تحبونه وع وع
اقول احنا وين رايحين الحين
نايف: رايحين مجمع تجاري راح تنبسطين
ولما وصلوا
حوريه: يوووه ياهملالي ياكبره ذا السوق
يؤ مهاوي شوفي هذي فاكتن شعرها ومخبصه وجهها
المسكينه الظاهر مضيعه شيلتها
مها: حوريه شرايك بذا الخاتم
حوريه: يووه ياهملالي ايه والله يهبل يازينه يلمع تسنه البرق , بكم عاد سعره
مها: هذا بس بخمسميه تخيلي مره رخيص
حوريه: ياهملالي لايقصون عليتس يالمسبهه والله اعرف خواتم تبيعهم ام دحيم ازين من ذول
وربي رخيصين الواحد على خمسه ريال واذا اشتريتي اثنين تعطيتس الثالث ببلاش
وبعد شوي
حوريه: اقول وينها حماماتهم؟
مها: هذي هي قريبه روحي وبستناك انا ونايف عشان نطلع من المجمع
وتروح حوريه الحمام
وفي طريقها
لاحظت ان شيئاً ما يمشي خلفها
ويوم لفت والا واحد مشى من جنبها ورمى عليها ورقه
حوريه : يوه ياهملالي , الورقه ذي طاحت منه
وخذت الورقه وراحت تمشي وراء الرجال
حوريه: ياحجي ,,
لو سمحت ,
ياخوي,
انت ماتسمع
والعالم كلها تطالعها شلون حرمه قاعد تمشي وراء رجال وماسكه ورقه
عاد العالم افهموها شيئن ثاني
ويوم وصلت لعند الرجال قالت:
ياخوي لي سنه اراكض وراك
الرجال: خير عيوني امري <<<يوم سمعت حوريه كلمة عيوني خقت
عاد قامت تنعم الصوت
حوريه: هذي ورقه طاحت منك خذها وانتبه عاد لايطيح شي منك ترى المكان زحمه والناس ايدينهم خفيفه و..
حست حوريه بيد تمسكها بقوه وتجرها من مكانها
حوريه: وشفيتس علي تجريني تسني ناقتن مذبوحه خفي علي
مها: حسبي الله على ابليسك فشليتنا
اخوك لو يدري عن الي صار كان ذبحك وعلقك من كشتك قدام العالم
حوريه: ليه انا وشسويت
الرجال طاحت منه ورقه ورحت اوديها له
مها: ياخبله ياغبيه يالمتخلفه عقلياً هذا قاعد يرقمك
حوريه: وليه يعطيني رقموه وش ابي بوه ؟
مها: يارببييييييييه عليك يعني انت ماقد رحتي سوق وصارت لك الحركه ذي
حوريه: لا
مها: طيب يالله خلينا نمشي من هنا بسرعه افف
وتنام حورية ذيك الليله وهي غرقانه بالاحلام الورديه
وهي الي ماخلت مهاوي تنام من شخيرها
مهاوي طول الليل قامت تفكر في طرق وأفكار تخلي فيها حورية انسانه منضبطه وتقلب شخصيتها الى انسانه ثانيه تختلف عن شخصية حورية الساذجه وفي نفس الوقت تبي تفاجأ نايف بالشكل الجديد لحوريه خاصة وانه رجع للديره عشان الدوام
في اليوم الثاني
مها: حووريه تعالي
حوريه: سمي
مها: يالله إلبسي العبايه مشينا
حوريه: وين؟
مها: انتي امشي وبالطريق راح اقولك
حوريه: لايكون بتوديني ذاك المطعم الخربوطي
مها: مالت عليك . غيرك والله يتمنى بس يشوفه اقول مشينا بس
ومهاوي كانت ناويه توديها الصالون عشان تغير من شيفتها وخشتها القرويه
حوريه: يوووه لاتمعطين في شعري هو شعرتين ان شلتيهم صرت احمد بدير
اللبنانيه: شوهيدا شعرك كتير ناشيف انتي ماعم تعملي لوه حمام زيت اسبوعيا؟
حوريه: حتى الزيت قام يستحم والله عشنا وشفنا..
اللبنانيه: كيف بتحبي القصه تكون؟
حوريه: كاريه حلو
اللبنانيه:ههههههه شو كاريه موضه كتير أديمي
مها: معليكي منها قصي لها قصه تناسبها واعملي لها هاي لايت وسوي لها حمام زيت بعدين سيشوار
وبعد ساعتين ونصف
مها: هاه شرايك بشعرك الحين؟
حوريه: ولله صايرتن تسني معزه بربريه على هالالوان
مها: يالله باقي الوجه الحين
واثناء تخبيصهم في وجه حوريه
حوريه: حاطين بوجهي طين ايييييييه بعد شوي بتروشوني بموية مجاري
مها: انتي بس لو تسكتين
ولما خلصوا....
راحوا لمحل النظارات عشان يشترون لحورية عدسات ملونه
بعدين اشتروا لها ملابس جديده <<بالصراحه احلى على الطريقه السعوديه
حوريه: ياهملااالي والله تسني أميره يازينتس ياحوريه تهبلين اممواه
مها: حوريه ابيكي تسمعيني زين
حوريه: اذوني لتس
مها: انا ماغيرت من شكلك الخارجي الا عشان ابيكي تتغيرين من داخلك
عشان اوضحلك اكثر ,, حاولي قد ماتقدرين انك تغيرين من نبرة صوتك وبعدين سالفة لتس وعليتس وشلونتس ابيكي تشيلينها من قاموسك اوكي
بعدين وانتي تتكلمين لا تلوحين بيدينك صايره كأنك تهاوشين او كنك والله تهفين الذبان
حوريه: ههههاع
مها: نقطه مهمه برضو لما تجين تضحكين بليييز لاتضحكين بصوت عالي
حاولي قد ماتقدرين انك تضحكين بصوت واطي وفي نفس الوقت حطي ايدك على فمك يعني من باب اللباقه
نقطه اخرى لما تشوفين شي عجبك على وحده سواء بلوزه او ساعه او أي شي رجاء لاتسألين بكم هذي شريتيها ومن وين
حوريه: وشوله؟
مها: راح تبينين لهم انك مشفوحه ومو شايفه خير
حوريه: طيب
وكانت مها طوال اسبوع كامل وهي تعطيها النصايح
وتحذرها من اشياء المفروض ماتسويها
لين ماحوريه فهمت المطلوب منها
وصارت حوريه انسانه ثااااانيه تختلف اختلاف كلي عن حورية الاولى
وفي اليوم الثاني جا نايف عشان ياخذ اخته حوريه
نايف: انتي وش سويتي باختي؟
مها: شرايك فيها ماكنها حوريه اختك صح
نايف: تصدقين اني ماعرفتها,, تنحنحت ونزلت راسي على بالي وحدتن من خوياتك .. بعدين قامت تضحك علي وماصدقت انها حوريه الا يوم حلفت لي انها اختي حوريه.. صراحه ماتوقعت اختي بهالجمال.. ماشاء الله عليك يامهاوي..
مها: يعني لو هي وحده من خوياتي وش كنت بتسوي؟
نايف: كنت اجحدك واتزوجها
مها: وجع ههههه
حوريه: يالله اشوفتس على خير يامهاوي
مها: وش قلتي؟
حوريه: اشوفك هههه
مها: كل مره تشتاقين فيها لنا تعالي اخوك نايف اسبوعيا يجي مايصبر عني احم
لما كان نايف طالعن مع اخته
كان جاي ولد عمها خالد
وانتبه لحوريه
خالد: مهاوي من ذي الي طالعه مع نايف؟
مها: تستهبل انت ووجهك هذي حورية بنت عمي
خالد: كذابه.. حوريه اخبرها سحليه من سحالي الربع الخالي
مدري وشلون عمي مسميها حوريه الي يشوف اسمها يقول الجمال مقطع بعضه وهي احلى من عائشه الكيلاني بشوي هههههه
مها: يعني منت مصدقني
خالد: احلق شنبي ههههه
مها: طيب .. تعال معي ابيك
مها: يمه
ام خالد: هلا يمه
مها: يمه منهي اللي كانت مع نايف قبل شوي
ام خالد: هذي اخته حوريه ..ليه تسألين؟
وتطلع عيون خالد من مكانها
خالد: لا انا ماصدق وش اللي قلبها وخلاها بذا الشكل
ام خالد: اوخيتك مهاوي حلفت ماتخليها ترجع لاهلها الا وتخليها اسم على مسمى على قولتها...
خالد: انا اشهد انها حوريه من قلب
ويغرم المحروس خالد ببنت عمه حوريه
وماهي الا شهر وراح لأمه
خالد: يمه ابيكي بموضوع
ام خالد: خير ان شاء الله
خالد: ابي اتزوج يمه
ام خالد: حاط وحدتن ببالك؟
خالد: ايه
ام خالد: من هي اللي داعيه لها امها عشان بتتزوج وليدي خويلد؟؟
خالد: بنت عمي
ام خالد: أي وحدتن فيهم؟
خالد: حوريه يمه
وكانت مهاوي قد سمعت الحديث اللذي دار بين خويلد وأمه
ويوم سمعت مهاوي انه يبي حوريه
فطست ضحك
خالد: يعني طول الوقت انتي ووجهك قاعده تسمعين كان من البدايه رزيتي وجهك وماكنتي تتسمعين علينا
ام خالد: اجل تبي حوريه هاه؟
مها: شكله من ذاك اليوم والاخ رايحن فيها
خالد: ايه وربي الحب عذاب
مها: استح على وجهك امك معنا صير ثقيل
خالد: نسينا ماكلينا
نسينا نايفوه قبل لايخطبك يوم صابه الحادث والدموع اربع اربع هههه
مها: اسمه نايف لو سمحت
خالد: هاه يمه وش قلتي؟
ام خالد: مالك الا اللي تبيه كم خويلد عندي..
مها: واحد وياثقل دمه
خالد: خخخخ بايخه
وتذهب العائله متجهتن الى الرياض لكي يخطبوا حوريه لخويلد
وكانت حوريه نايمه وقتها ولما جو بيت عمها صحوها وراحت تتروش
ابو نايف: والله هذي الساعه المباركه بس تعرفون الاصول لازم ناخذ براي البنت
ابو خالد: وهي بتلاقي احسن من ولد عمها
ام خالد: وشفيك مستعجل خله ياخذ برايها يمكن البنت حاطه واحد ببالها
خالد: وش قصدك يمه هاه يعني انا ماصلح لها
اابو نايف: عن اذنكم اسأل البنت..
خالد: مهاوي اذا وافقت حوريه حبيبتي تكفين قولي لعمي ابي اشوفها
مها: صارت حبيبتك هههه وبعدين ليه تبي تشوفها انت مو شفتها وهذا الي خلاك تخطبها انت ووجهك
خالد: يالغبيه افهمي .. انتي ماتصبرين عن شوفة نايف صح والا لا
مها: اكيد
خالد: طيب تكفين قولي لعمي
مها: طيب طيب هذا هو عمي جا
ابو نايف: ألف مبروووووك ان شاء الله حوريه موافقه عليك ياخالد
ويقوم خالد من الفرحه ويبوس راس عمه
خالد: صدقني ياعمي حوريه بحطها بعيوني الثنتين
ويرجع خالد لمكانه
خالد: مهاوي ووجع يالله
مها: عمي بو نايف
ابو نايف: سمي يابنيتي
مها: اقول بعد اذنك خالد اخوي وده يشوف بنت عمه حوريه
ابو نايف: لازم يعني
مها: والله من جينا للحين وهو غاثني
ابو نايف: هههههه والله لو ماهو ولد اخوي ماكنت خليته يشوفها
ام نايف روحي قولي للبنت ولد عمها يبي يشوفها
وتروح ام نايف
وخويلد قلبه يدق من الفرح
مها: هاه هذا انا سويت لك اللي تبي وش بتعطيني
خالد: اللي تبين بس تكفين اسكتي وربي اني خايف ومنحرج
مها: كل هذا من الحب ههههه
وتجي ام نايف ووراها بنتها وهي متغطيه
حوريه: السلام عليكم
خالد: وعليكم السلام هلا والله
وتنزع حوريه الغطاء عن وجهها
وماهي الا ثواني معدوده
وخالد مهو في مكانه
قام وهو يسرع للباب
ابو نايف: وشفيه الولد انصرع وشبلاه
ابو خالد: لحظه ياخوي بروح اشوفه
ام خالد: مهاوي وشفيه اخوك
مها: يعني ماتدرين يمه .. ياذا الموقف اللي انحطينا فيه ماندري وشلون بنطلع منه
ام خالد: ليه علميني؟؟
مها: يمه ناظري حوريه .. ماكني اشتغلت عليها وتعبت وضيعت وقتي وفلوسي ..هذا هي رجعت زي أول لا وأردى بعد
هذا اللي خلى خويلد ينحاش
يرجع ابو خالد:
والله الولد هرب بالسياره مادري وين اراضيه
ابو نايف: طيب دق على جواله
ويرن جوال ابو خالد
ابو خالد: هذا هو خويلد يتصل لحظه
خالد: شوف يبه قول لعمي مابي اتزوج خلاص قول له انتوا غصبتوني على الزواج فاهمين خلاص مابي اتزوج خلاص خلاص
الله لايحطكم يالتماسيح في ذي المواقف ههههه
تحياتي جاتني ع المسن وحبيت اسدحها في ذا